Nongpoh, Nohprah 21: Da ki spah ngut ki paidbah mynta ka sngi u Blei ki la ia muja ban lum ia ki dohkha ba la hap ha ka surokbah, kaba dei hadien ba kawei ka Kali Bolero Pick-up ka la kylla kynsan ha ka surokbah National Highway-6 ha Ri Bhoi District.

Kane ka jingjia ka la jia mynta ka sngi ha ka por 1.30 pm ha 19mer ba hap ha ka surokbah National Highway-6 ha Ri Bhoi, katba kane ka Kali Bolero Pick-up ka dang hiar na Shillong sha Guwhati.

Kane ka Kali Bolero Pick-up kaba la kylla ka don ia u number  ML 10-D-2739 bad ia u nongniah jong kane ka Kali ym pat ioh lum kyrteng satia.

Kumba la ioh lum jingtip, ha kane ka jingjia la iathuh ba u dribar um shym la mynsaw ei ei bad hadien katei ka jingkylla katei ka Kali ka la wan rah ka jingdheng kali shipor, ba ki paidbah da ki spah ngut ki dang ia muja ban lum ia kitei ki dohkha ba la hap ha madan hadien ba katei ka Kali Bolero Pick-up ka la kylla kynsan ha ka surokbah.