Shillong, K’lyngkot 30: Ka jylla Meghalaya ka la dang pynkhreh shaid shaid ban pdiang ia ka ‘39th National Games bad u Myntri ba dei peit ia ka tnad Sports u Bah Wailadmiki Shylla u la pynbna ba ka jingpynkhreh ruh ka la iaid shakhmat bad shaphrang ban pdiang ia kane ka lympung ialehkai sports.
“U Symbut myntri ka jylla bad uba peit iaka tnad Urban Affairs u Bah Sniawbhalang Dhar u la bishar bniah ia kane ka jingpdiang ia ka 30th National Games bad la dep ruh ban batai ia u halor shibun ki jingdonkam ba kynthup naduh ki jingtei bapher bapher, ki jaka sah bad ki jingialehkai bapher bapher ban pynlong ha ki jaka bapher bapher ka jylla. U la pynpaw ruh ia ka jingkmen halor kine ki jingbatai ne ka jingpynkhreh kiba ia dei bad ka jingpdiang ia ka National Games” ong u Bah Shylla haba kren sha ki nongthoh khubor hadien katei ka jingialang kaba la long mynta ka sngi.
U Bah Shylla u la pynpaw ruh baka jingpynkhreh ka la iaid shaid shaid bad kynthup ia ki jaka ban pynlong ia kane ka National Games kum ha JN Complex bad PA Sangma Stadium kiba la jan dep pura.
Ha kaba ia dei bad ki jaka sah, u Bah Shylla u la iathuh ba ki jingialehkai ba la tip kum ki Games Village kim da donkam than eh, namar ba ym do ki Hotel lane ki Homestay. Ki jingpyntrei ia ki jingtei bapher bapher ki ia pher ban pynlong ia kane ka National Game ka iapher kawei na kawei bad la buh thong ban pyndep tang haduh ubnai Lber bad Jylliew bad ruh haduh u bnai Naiwieng.
U la iathuh ruh ba u Myntri ka sorkar pdeng ba dei peit ia ka tnad Sports u la kyrpad ia kiwei kiwei ki jylla shatei lam mihngi ka ri India ba kin wan ban shim bynta ha kane ka National Games bad ka sorkar Meghalaya ka la pdiang ia ki ba kin wan shim bynta ban leh katkum kaba ki donkam.
