Shillong, Rymphang 17: Hadien ka jingmynjur ka kynhun ki myntri sorkar (Cabinet Minister) ka Expert Committee kan sa wan rah ia ka kaiphod ka Reservation Policy ha kane ka dorbar mang tyngka hapoh ka ïing dorbar thaw ain ka jylla.

Haba pyntip halor kane ka kaiphod hadien ka jingiakynduh lang ki myntri sorkar (Cabinet Meeting) hynnin ka sngi,  u Bah Wailadmiki Shylla u la ong, “ Ka kynhun ki Myntri sorkar ka la ai ia ka jingmynjur na ka bynta ban pdiang ia ka kaipod jong ka Reservation Policy bad ia kane ka kaiphod yn sa wan rah ha ka sngi Balang ha ka dorbar mang tyngka  hapoh ka ïing dorbar”  da kaba kyntait ruh ban pynpaw lut ia ka kaiphod shwa ban wan rah ia kaiphod ka Expert Committee ha ka dorbar mang tyngka.

Shuh shuh, u la bynrap ruh da kaba ong, kumba long haduh mynta um pat lah ban kren ei ei halor ka kaiphod ka Expert Committee halor ka Reservation Policy bad dei tad hadien ba la wan rah ia ka kaiphod ha ka dorbar mang tyngka.