Shillong, Rymphang 17: Ka sorkar jylla ha ka sngi nyngkong ka la pynbna ia ka tarik jong ka election MDC ha GHADC ha kaba ka sorkar ka la rai ban pynlong ha ka 10 tarik u Ïaiong 2026.

Ia kane la pyntip da u Myntri sorkar u Bah Wailadmiki Shylla, kaba dei hadien ka jingiakynduh lang ka kynhun ki myntri sorkar ba la pyniaid da u Myntri rangbah ka jylla u Conrad K. Sangma.

“ Ka tarik ban thep vote na ka bynta ka election MDC ha GHADC kan long ha ka 10 tarik u Iaiong 2026, katba ka jingniew ia ki vote kan long ha ka 14 tarik u iaiong 2026” ong u Bah Shylla sha ki nongthoh khubor.

U la iathuh ruh ba ka tarik ban pynmih ia ka gazette notification kan long ha 9 tarik u Lber 2026 bad ka tarik na ka bynta ka Nomination kan long haduh ka 16 tarik u Lber 2026.

Shuh shuh, u la iathuh ruh na ka bynta ka Scrutiny jong ki nomination paper kan long ha ka 16 tarik u Lber 2026 haduh ka por 3 baje janmiet bad ka tarik ba khatduh ban ailad ia ki kyrtong ban weng na ka jinglong kyrtong kan long ha ka 17 tarik u Lber 2026.  Ka tarik ban pynbit pynbiang ia ki nomination paper, ka jingpynlait ia ki symbol kan long haduh ka 18 tarik u Lber 2026, u la bynrap.