Nongpoh, Jylliew 21: Ka kynhun ialehkai jong ka Ri India ha ka jingiakhun ia ka t20 World Cup 2024, ka la rai ban kyntiew kyrdan sha ka bynta ba shakhmat (Opener) ia rangialehkai bna nam ka ri u Virat Kohli u ba ju wan ban bat ha ki kyrdan ba shadien hynrei ha kane ka kynti kane ka kynhun ka la rai ban pynhiar noh ia u rangialehkai Rishabh Pant sha ka No. 3 batter ban iakhun ha kito ki madan kiba kham eh bha na ka bynta khamtam ha kito ki pitch kiba don ka jingsuki jong ka ball (Sluggish Pitch).
Kane ka rai jong ki bor khmieh ka kynhun India ha ka jingiaid lynti jong ka lympung ialehkai kriket T20 World Cup, ka la long hadien ba la ibit bha ia u Rishabh Pant ban wan batting ha ka no. 3 namar ka jingtbit ka jong u ban iakhun pyrshah ha kine ki madan ialehkai pitch kiba kham eh na bynta kiwei kiwei ki rangialehkai ka ri.
Lah ban kdew, ba ka long kaba shisha ba u rangialehkai ka ri India u Rishabh Pant u ba la sdang kiew ha ka kam batting hadien katto katne bnai ba u la hiar ha kane ka batting, kata hadien 18 bnai eiei ba u la shah jied biang ban mihkhmat ia ka kynhun ialehkai kriket ka Ri India ha ka lympung ialehkai jong ka T20 World Cup.
Ia kane la paw, ba ha shiteng jong ka lympung ialehkai jong ka IPL, u Pant u la kham kham paw biang rukom ialehkai ban ia u Dinesh Karthik bad u Sanju Samson ha ka kam Wicket Keeper. Bad la pyntikna ba u Pant un hiar ban batting ha ka No.3 batter na ka ri India ha kane ka world cup.
BALEI YN PYNLEHKAI SHAKHMAT KA RI INDIA IA U VIRAT KOHLI, YN PYNHIAR NOH IA U RISHABH PANT SHA KA NO. 3
