Nongpoh, Rymphang 19: Uwei u heprit u la duh noh syndon ïala ka jingim hadien ka jingjia aksiden kaba la jia mynta ka sngi ha 17 mer ha Ri-Bhoi District hadien ba ka bos skul jong ka Mt Zion Academy Higher Secondary School kala shah tynrah ha kawei ka trok kit clinker kaba don ïa u number NL 01 AA 4672.
Une u heprit u dei u ba la tip kyrteng kum u Maxwell Lyngdoh na 19 mer Ri-Bhoi District u la khlad noh ha Arhi Hospital hadien ka jingmynsaw kaba jur, kaba shah ktah na ka jingtynrah kynsan katei ka trok ia ka skul bos kaba u shong mynta ka sngi.
