Shillong, Jylliew 24:
Ka sorkar jylla, lyngba u RP Marak, Secretary-In-Charge jong ka Mining & Geology Department u la pynmih ia ka hukum ban pynlong jingtohkit halor ka jingkynnoh ba kala don ka jingtih beain ia u Dewiong ha kawei ka jaka kaba dang hap hapoh ka South West Khasi Hills District.
Katkum katei ka hukum, la bthah ia u Deputy Commissioner jong ka South West Khasi Hills District, ba un pynlong ia ka jingtohkit halor katei ka jingkynnoh tih Dewiong beain da u Bah Skinford Nongbri ha kawei ka jaka kaba dang hap hapoh ka Nonghyllam Police Station jong ka South West Khasi Hills District.
La bthah ruh ia u Deputy Commissioner ka West Khasi Hills District ba un pynpoi ia ka kaiphod jingtohkit bniah ka jong u hapoh 7 sngi na bynta ban pynpoi pat sha u Justice (Retd) BP Katakey bad ba dei ban pynshitom da kaab tyngeh, katkum ki kyndon ain jong ka Mines & Minerals (Development & Regulation), 1957 lada lap ba kala don shisha ka jingtih beain ia u Dewiong.
