Shillong, Jylliew 24:
U myntri rangbah ka Jylla, u Conrad K Sangma, mynta ka sngi, ka 24 tarik u Jylliew, 2024, u la leit ban kynduh ia u myntri sorkar pdeng ba kynthup naduh u Dharmendra Pradhan, myntri ba dei khmih ia ka tnad pule puthi ka sorkar kmie, u Jyotiraditya M Scindia, myntri jong ka Communication & Development of North Eastern Region ka sorkar pdeng ban iakren halor shibun ki kam pynroi kiba iadei bad ka jylla.
Ha katei ka jingkynduh bad u myntri rangbah, kitei ki ar ngut ki myntri jong ka sorkar pdeng, ki la iakren halor shibun ki mat kiba dei bad kumno ban kyntiew shuh shuh ia ka pule puthi ha ka jylla, ka jingiaid beit iaid ryntih jong ki eksamin bad shibun kiwei kiwei de.
Kitei ki myntri ka sorkar pdeng ki la pynpaw ia ka jingsngewkmen ban kynduh ia myntri rangbah ka jylla, bad ai ruh ia ka kular ban iatreilang ryngkat ryngkat ban kyntiew ia ka jylla ha ki liang baroh jong ki kam pynroi.
