Haba la kut noh ia ka jingiakhun ha ka kylla kaba nyngkong jong ka Euro Cup 2024, ka Spain bad ka Italy, ki la pynthikna ialade ban rung sha ka kylla-16, namar kitei ki ri ki la wan kham shakhmat ha ka miej ia khein point.
Ka Spain kaba la ioh 9 point na 3 sien ki jingiakhun, ka la dei ka kynhun kaba don hakhlieh duh ha ka miej iakhein point, katba ka Italy kaba la rung sha ka kylla-16, ka la ioh 4 point bad kaba don ha ka kyrdan ba-ar hapoh ka miej iakhein points.
Ka jingpynthikna ka Spain ban rung sha ka kylla-16, ka dei hadien ba ka la lah ban pynliem noh ia ka Albania da 1-0, ha ka jingiakhun ba khatduh jong ka kylla ba nyngkong hapoh katei ka group.
Katba ka Italy, kaba la jop shisien bad rem shisien, hynrei ka la lah ban iakhaid pat ha ka jingiakhun kaba khatduh pyrshah ia ka Croatia da 1-1, lyngba katei ka jingiakhaid ka Italy ka la wan ha ka kyrdan ba-ar hapoh ka miej iakhien point bad rung sha ka kylla-16 jong ka Euro Cup 2024.
Lah ruh ban kdew hangne, ka Germany bad ka Switzerland kiba la ioh ban rung sha ka kylla-16, mynta pat sa ka Spain bad Italy kiba la rung sha katei kylla bad hadien kata kin sa iakhun ban pynthikna ialade ban rung sha ka Quater Final.
