Nongpoh, iaiong 25:Ha kawei ka jingjia aksiden kaba shyrkhei 2 ngut ki samla kiba shong da ka thuk thuk kila duh noh ïala ka jingim hadien ba kila leit ban tynrah nadien kawei ka trok ha surok bah National Highway ha 15 mer Ri-Bhoi District.

Katkum ka jingtip bala ioh lum la ong ba kane ka jingjia kala jia mynta ka sngi haka por kumba 3 baje eiei ha kaba kitei ki 2 ngut kiba shong da kawei ka thuk thuk ba khlem number bad kiba khlem phong ruh ïaka helmet kila leit ban tynrah ïakawei ka trok kaba don ïa u number ML 11 A 1367 bala niah da u Prakesh Paudel na Lum Nongrim Umsning.

Ha kane ka jingjia uwei u samla ba shong hadien bala tip kyrteng kum u Riki Amchi u la khlad hashen ha katei ka jaka katba u Nikunja Boro u la khlad noh ha shuwa ban poi sha jaka sumar bad baroh 2 ngut kitei kiba la khlad noh ki dei naka jylla Assam
Ïa kitei ki 2 ngut la pynkit noh sha Civil Hospital Nongpoh naka bynta ka Post Mortem bad ka jingtohkit halor katei ka jingjia ka dang ïaid shakhmat.