Khliehriat, Jymmang 02:  Ka ophis District Child Protection Unit, East Jaintia Hills District, Khliehriat mynta ka sngi lyngba ka kyrwoh khubor ka la pyntip paidbah ba I khyllung ba la ioh ban tam dang shen ha ka 29 tarik u Ïaiong 2026 ha ka por 9.30 baje mynmiet na kawei ka shnong ha East Jaintia Hills, I la don mynta ka jingsumar sukher ka Child Welfare Committee (CWC) ka East Jaintia Hills District.

Lyngba kane ka kyrwoh, la kyrpad jur ba kino kino ki briew ne ki kiba haïing hasem kiba ithuh I thaw ïa ine I khyllung bad kiba don jingtip shaphang ine I khyllung ba kin pyntip sha ophis District Child Protection Unit (DCPU), East Jaintia Hills District lane sha ka opis ka Child Welfare Committee East Jaintia Hills District bad na ka bynta ban ai jingtip kaba kham bniah ki lah ban phone ha une u No. 03655-295014 ba la buh por hapoh 60 sngi naduh ba la pynmih ïa kane ka jingpyntip paidbah bad lada ym don kino kino kiba wan ban kam ïa ine  I khyllung la lah ban ai ri ne tingkhun shawei katkum ki kyndon ka aiñ.