Ka jingniew vote mynta ka dang ïaid shaid shaid haki 5 tylli ki jylla ba kynthup ha Assam, West Bengal, Tamil Nadu, Kerala bad Puducherry.

Haba phai sha ka jylla Assam ka BJP kala lamkhmat bun tylli ki seat ha bun tylli ki constituency bad kat haduh ba thoh ïa kane ka khubor ka BJP kala lamkhmat kumba 78 tylli ki seat, ka Indian National Congress kala lam khmat 24 tylli ki Seat, ka BDF 10, bad kiwei kiwei.

Haka jylla West Bengal ka BJP kala lamkhmat haduh 182 tylli ki seat, ka AITC kala lam khmat kumba 91 bad kiwei kiwei.

Haka jylla Tamil Nadu ka Tamilaga Vettri Kazhagam kala lamkhmat haduh 107 tylli ki seat, ka AIADMK haduh 58 tylli ki seat, katba ka DMK kala lam khmat kumba 48 tylli ki seat bad kiwei kiwei.

Haka jylla Puducherry ka AINRC kala lamkhmat kumba 7 tylli ki seat, katba haka jylla Kerala ka United Democratic Front (UDF) ka la lam khmat bha ïa ka Left Democratic Front (LDF) kaba synshar.

Katkum ka wat ba nyngkong, ka UDF ba la ïalam da ka Congress ka la lamkhmat haduh kumba 100 tylli na ki 140 tylli ki seat, katba ka LDF ba la ïalam da ka CPI(M) ka la lamkhmat ha kumba 40 tylli ki konstitwensi.