Nongpoh, Jymmang 21: Ka Ribhoi District Government Contractor and Supplier Association lyngba u Chairman u Bah Plielad Tiewsoh ka la pyntip ba haka 25 tarik Jymmang kan pynlong ïaka jingialang kaba kyrpang lane ka general meeting jong baroh ki contractor na Ribhoi District ka ban long ha ïing dorbar hall Nongpoh naduh kapor 11 baje mynstep.
Haba kren naka liang u Bah Plielad Tiewsoh u la iathuh ba ka jingthmu jong kane ka jingialang jong ka long ban ia kren bad ia tai halor ki jingeh ba kum ki contractor jong ka Ribhoi ki ju mat na kapor sha kapor.
U la ong ruh ba ha katei ka jingialang yn ia kren ruh halor ki jingsahkut ki bill naka tnad JJM bad na Water Resources bad kumjuh ruh na kiwei kiwei ki tnad sorkar kaba la wan rah shibun ki jingeh haka jingiaid lynti jong ki contractor.
Shuh shuh u la ong, Hakaba ia dei bad pat kiwei ki skim la iohi ba ka Sorkar Jylla ka la aiti beit sha ki briew kiba nabar ban trei iaki kam hapoh ka jylla jong ngi bad kane ka pynduh noh iaka lad ban ioh kam ki contractor jong ka District bad kumjuh ruh iaki contractor jong ka jylla bad u bah Plielad Tiewsoh u la ong ba kane kan long kawei naki mat ban iakren ha katei ka jingialang.
Naka liang u Bah Plielad Tiewsoh kum u Chairman u khot Ïawer ia baroh ki contractor jong ka Ribhoi District ban ia wan ryntih ha katei ka sngi khnang ba yn ioh ban ïatai sani bha halor ki jingeh bad ka jingshah ibeiñ jong ki contractor ka Ribhoi District.
Sa Peit Ruh
