Nongpoh, Jymmang 24: Ban pyrkhing ia ki kali ba pynkhein bad kiba ňiah khkem akor ia ki Kali ba ju wan rah ki jingjia ba sngewsih ha ka surokbah National Highway-6 ha Ri Bhoi, ki Pulit ka Byrnihat mynta ka sngi u Blei ki la pynlong ia ka jingtalasi ia bun ki Kali paidbah ha Byrnihat.

Na ka liang ki Pulit ka Byrnihat ki la bat Nathan ia ki Kali paidbah ban tohkit ia ki kot ki sla bad ruh ia kiba pynkhein ain bad bun ki kali ba pynkhein ain ki la shah dain kuna.

Sa Pule Ruh | Sha Nala her ka Ambulance ba shah tynrah ha Kali I20

Kane ka jingtalasi kali kynthup naduh ki kali saw shaka, ki kali ar shaka bad ki kali heh ban tohkit ia kiba ym deng ba dih buaid, ki ba pynher sted, ki bym deng seat belt bad kiba ym don helmet ia ki kali ar shaka ryngkat kiwei kiwei kiba pynkhein ain.

Kumba la ioh lum jingtip la don bun ki Kali kiba shah dain kuna halor ka jingpynkhein ain bad na ka liang ki pulit ki la buh ruh da ka jingmaham ba ki dei ban bud ryntih ia ki kyndon kaba long ka jingmyntoi ia ki bad ka jingshngain na ka bynta ki paidbah.

Sa Peit Ruh