Nongpoh, Jylliew 24: Ka FKJGP Bhoirymbong Circle hapoh ka jingïalam u Bah Boy Kurbah kum u President bad u Bah Banseng Sohiong General Secretary mynta ka sngi kila leit ban ïakynduh syndon ïa ki ophisar ka tnad MeECL ha Umiam namar ka jingthud palat jong ka bording ha katei ka thaiñ.
Haba kren sha ki lad pathai khubor naka liang u Bah Banseng Sohiong General secretary ka seng u la ong ba kum ka seng ka dap da ka jingsngewkhi ha kaba ïadei bad ka jingthud ka bording haka thaiñ Bhoirymbong, bad dei na kane ka daw ba kum ka seng kam banse ban ïakynduh ïaki ophisar ka tnad sam bording ha Umiam naka bynta ban pynpaw ïaki jingeh ba ki paidbab ki ïakynduh.
U la ong ruh ba bun naki paidbah ki ud ki nam halor ka jingthud ka bording bad kum ka seng ka dawa ba dei ba pynbiang bad pynthikna ïaka bording ha katei ka thaiñ bad naka liang ka seng kala dawa ruh ba dei ban thung kumba 2 ngut ki lineman ki ban peit sha katei ka thaiñ khnang ba ka bording kan long kaba thikna.
Shuh shuh naka liang ka seng ka ai por ruh 1 bnai ïaka tnad ba dei peit ba kan pynthikna ïaka bording bad kumjuh ruh ban thung ïa kitei ki lineman haka thaiñ Bhoirymbong.
Sa peit ruh
