Shillong, Jylliew 30: U Myntri Rangbah ka jylla u Conrad Sangma u la ai ka jingkhublei ba kyrpang ïaka Google kaba la ithuh ïaka ktien khasi, hadien ba ka kompeni Google kala pynbna paidbah ba kala pynrung sa kumba 110 tylli ki ktien hapoh ka Google Translate ba kynthup ruh ïaka ktien Khasi bad mynta lyngba ka Google Translate la lah ban pynkylla ïaka ktien Khasi sha kiwei pat ki ktien jong ka pyrthei ne na kiwei pat ki ktien sha ka ktien khasi kaba long ka jingmyntoi bad ka jingkyrkhu kaba khraw.
Naka liang u Conrad Sangma u la ai khublei ruh lyngba ka rynsan X ïaka Google kaba la ithuh ïaka ktien Khasi bad une u mawjam ym tang ba un aibor ïaki nongshong shnong hynrei kan pynsuk ruh ïa kino kino kiba kwah ban nang ïaka ktien Khasi. Naka liang u Conrad Sangma u la kyntu ruh ïaka Google ba kan kynthup lang sa ïa kiwei pat ki ktien haka thaiñ kum ka ktien Garo.
