Katkum ka kyrwoh ba la phah mynta ka sngi sha ki lad pathai khubor da kawei na ki kynhun seng na Ri Lum Garo ba la tip kum ka Achik Conscious Holistically Integrated Krima (ACHIK), ki la pynpaw ia ka jingpyrshah kaba jur halor ka jingthmu ka sorkar ban pynkynriah noh ia ki Huleng na Sonja Wildlife Rescue Centre sha kiwei ki Zoo ha ka jylla kaba lah ban dei ka Meghalaya State Zoo kaba don ha Umtrew Ri Bhoi District.
Ha katei ka kyrwoh, ki la pynpaw ruh ba kine ki mrad khlaw ba la tip kum ki Huleng (Hoolock Gibbon) ki dei kiba la mlien ban im ha Ri Lum Garo bad kumno ka sorkar kan pynkynriah jaka ia ki, kaba lah ban don ka jingktah na ka jinglong jingman ka mariang ne ka rukom im ka rukom sah jongki.
Kane ka kynhun seng na Rilum Garo, ka la pynpaw ruh, da kaba ong, ha ka jaka ban pynkynriah ia kine ki Huleng kiba dei ki mrad kiba la sdang ban duh jaid ha ka jylla, ki kyrpad ia ka Sorkar jylla ban wan rah noh da ka Zoo ha Garo Hills, kaba long shi bynta ban iada ia kine ki mrad kaba long katkum ka jingdonkam ia kata ka jaka kaba bit ba biang.
Na ka liang kane ka kynhun, halor ka jingthmu ka sorkar ban pynkynriah ia kine ki mrad Huleng na Rilum Garo sha kiwei pat ki Zoo ha ka jylla, ki la buh ruh da ka jingkylli pyrshah ia ka sorkar halor ki jingkylli kiba long kumne harum ha ka ktien phareng (English).
1. What is the purpose of a rescue center if not to rescue animals from danger?
2. Who manages the Sonja Wildlife Rescue Centre?
3. If the government deems the centre inadequate, why have they failed to upgrade it despite being aware of its shortcomings?
4. Why relocate Hoolock and Gibbons instead of enhancing the centre’s facilities?
5. What specialized facilities can a zoo provide for these nature-loving animals?
6. Why not relocate elephants to the zoo, saving human lives in the process?
7. Why interfere with a centre that is performing well?
Shuh shuh, kane ka kynhun lyngba ki lad pathai khubor, kyrmen skhem kan don ka jingsngewthuh bad ka jingktah ia ki paidbah ba pule bad ruh kan poi sha ki tyndong shkor ka sorkar jylla ba kum ka sorkar kan shim khia halor kine ki mad ba la pyrshah da katei ka kynhun.
