U Ravindra Jadeja uwei naki rang ïalehkai kriket ba paw ka ri u la pynbna ba un shongthait noh na ka T20 International ha ka sngi u Blei hadien ba ka India ka la jop ïa ka T20 World Cup 2024 da kaba pynliem ïa ka South Africa da 7 ron haka jingïakhun phainal kaba la long haka miet sngi Saitjaiñ.
Naka liang u Jadeja u la pynbna ruh ba un shongthaid noh naka jinglehkai T20 International ka jinglehkai kriket kaba lyngkot tam haka pyrthei, hadien u Virat Kohli bad u Rohit Sharma.
“Da ka dohnud kaba dap da ka jingsngewnguh, nga ai khublei khatduh ïaka T20 Internationals. Da ka jingsarong, nga la ju ai ïa kaba bha tam na ka bynta ka ri jong nga bad ngan dang iai bteng ban leh kumta ha kiwei pat ki rukom. Ka jingjop ïa ka T20 World Cup ka dei ka jingangnud kaba la urlong, ka jingjop kaba khraw tam ha ka jingim jong nga ha ka jinglehkai T20 haka pyrthei. Khublei shibun ia ki jingkynmaw, bad ka jingkyrshan kaba khlem sangeh.” ong u Jadeja ha ka Instagram haba pynbna ba un shongthaid noh.
