Nongpoh, Naitung 22: Kawei ka trok kaba don ïa u number AS 01 FC 8674, kaba la ñiah da u Farijul Hoque bad kaba kit ïa u khaw FCI, ka la kem ding kynsan ha mar ïa poi ha Umsning Bye Pass, Ri Bhoi District, ha ka janmiet jong ka sngi Ba-ar.
Katkum ka khubor ba la ïoh lum, kane ka jingjia ka la jia ha ka por kumba 5:30 eiei nohphai sngi, ha kaba ka trok kaba kit ïa u khaw FCI, kaba thmu ban leit pynhap ïa u khaw sha Jowai, ka la kem ding namar ka jingshot wire.
Mar ïa ïoh jingtip halor kane ka jingjia, ki Pulit Pynlip Ding na Umiam ki la poi mar-mar sha katei ka jaka ban tem ïa ka ding kaba la klang ha katei ka trok. Watla ka ding ka la klang bha, hynrei ym shym la don kano kano ka jingjia ba sngewsih kaba la jia ha kane ka jingjia, lait noh tang ka jingjulor jong ka trok.
