Nongpoh, Naitung 30: Ka jingshah thngan ka Kong Christable Wanniang, General Secretary ka CSWO lem bad ki khunswet ha shnong Lumnongrim, Umsning, ka la sangeh noh mynta ka sngi bad kata ka dei hadien ba la don ka jingiakren iasuk hapdeng ka Dorbar Shnong Lumnongrim, ka Kong Christable Wanniang bad bad kiba haiing hasem jong kitei ki khunswet.
Katei ka jingiakren iasuk hapdeng ka Kong Christable Wanniang, ka Dorbar Shnong Lumnongrim lem bad kiba haiing jong kitei ki khunswet ka dei kaba la long ha Iing Dorbar ka Shnong Lumnongrim, ha kaba la sakhi da ka jingdon u Bah Bryan Sohklet, Rangbah Shnong Lumnongrim, u Bah Eddi G. Kharbani, Rangbah Shnong barim, ka Kong Christable Wanniang, ka Kong Worda Nongbri, ki riew rangbah na ka shnong lem bad kiba haiing jong kitei ki khun swet.
Pule ruh: La Register Mokotduma Ki Pulit Ia U Muktiar Ba Kynnoh Leh Kynshein Ia Ka Samla
Lyngba katei ka jingiakren iasuk, ka la don ruh ka jingiakren ban ia map kaba markylliang bad kiba la kular ruh ba nangne shakhmat ba kan ym don shuh ka jingiakynthoh ne kdewkti iwei ia iwei pat.
Peit ruh:
Ha kawei pat ka liang, lyngba katei ka jingiakren iasuk, na ka liang ka Kong Worda Nongbri, kaba dei ka Kmie-ieid jong kitei ki khun swet, ka la kular ban siew da ka pisa pliah kaba T. 1,30 (Shilak Laiphew hajar) ia kaba ka la kular ban siew hapoh 4 bnai na ka bynta ban shna ïing kumba la paw ba ka ioh skhim PMAY-G da kaba pan jingiarap ha ka kyrteng ki khunswet, ba la kular hakhmat ki nongialam shnong ka Lumnongrim lem bad ka Kong Christable Wanniang.
