Na ka jingiaid bteng u lapbah ban ther ha kine ki sngi ka la wan rah pynban ka jingeh ia ki paidbah ha kylleng ki jaka ha ka jylla, na ka daw ba bun tylli ki shnong ki la hap ban mad ia ka jingshlei um bad kaba la pynsyrtok ia ki paidbah ha ka leit ka wan.
Kawei na ka shnong ha ka jylla, kaba la mad ia ka jingshlei um na ka daw ka jingjur slap, ka dei ka shnong Nongkrem ha East Khasi Hills, ha kaba la ong naduh ka janmiet ka Sngi u Blei bad haduh mynta ka step jong ka sngi nyngkong, ka la don ka jingshlei um ha ki bynta jong ka Shnong ba hap ha ka Nongkrem Proper.
Kumba la ioh lum jingtip bad la sakhi, ka jingshlei um ha ka shnong Nongkrem Proper,ka la wan rah ka jingjynjar ia ki paidbah nongshong shnong ha ka leit ka wan, namar ka jingshlei um ka la ktah ha ka surok iaid paidbah bad ki paidbah nongshong shnong ki la jynjar ha ka leit ka wan bad ruh ba katei ka surok iaid paidbah la tap da ka umsaw kaba la shlei ha ka surok Shnong
