Shillong, Nailar 05: Haba kren sha ki lad pathaikhubor mynta ka sngi ha Nongbah Shillong, u Ma Sniawbhalang Dhar, Symbud Myntri Rangbah bad uba deipeit ia ka tnat Urban Affairs, u la ong ba ha ka Taiew ba khatduh mynta u Bnai, ka sorkar kan sa pynlong ia ka jingialang ba kyrpang bad ki heh ophisar na ki tnat treikam bapher bapher, na bynta ban iakren halor ka jingthmu ka sorkar ban pynkynriah noh ia ka Harijan Colony na Them Iew Mawlong.
Shuh shuh, u la ong ba la dep ban bthah ia ki ophisar na baroh ki tnat treikam sorkar, ba kin phah ia ki kaiphod jong ki, khnang ba yn ioh ban iakren sani bha ha ka jingialang ka ban long ha ka Taiew ba khatduh mynta u bnai.
Also read: Yn ia kren ka sorkar mynta u bnai Ban pynkynriah iaka Harijan Colony na Them Iew Mawlong
Nalor ka kaiphod na ki tnat treikam sorkar, ka donkam ruh ia ka kaiphod na na ki briew kiba sah ha Harijan Colony bad ruh na ka tnat Defence, kaba dei trai ia katei ka jaka, bynrap u Ma Sniawbhalang.
“Ha katei ka jingialang, ka ban sa long shen, ka jingiakren ba nyngkong kan long tang hapdeng ki ka sorkar lem bad ki ophisar na ki tnat trei bapher bapher, hadien kata pat yn sa khot iakren sa ia ki briew kiba mihkhmat na ka Harijan Colony” ong u Ma Sniawbhalang.
Ban pynbeit ia katei ka kam kaba la sahteng la bun bun snem, kamdei ka kam kaba suk bad ka donkam ban ioh ia ki jingtip ba bniah, khnang ba baroh kin long kiba la pynkhreh, ban ban poi sha katei ka jingialang ka ban long ha ka Taiew ba khatduh mynta u Bnai, da ka jingkyrmen ba katei ka jingthmu pynkynriah ia ka Harijan Colony na Them Iew Mawlong kan long kaba jop, u la bynrap.
Also watch
