Shillong, Nailar, 08: Namar ba la ktah syndon ia ka jakpoh ki khun ki kti bad ym don lat pat da kumwei ban kamai kajih, ki nongdie madan ha Jail Road mynta ka sngi ki la pyneh hi triang bad pyni bor syndon ban pyrshah ia ki bor ka Shillong Municipal Board (SMB) ha ka lynti iaid kjat kaba ki ju shong dukan ha Jail Road naduh ka por 4 baje janmeit haduh 10 naje mynmiet.
Kumba la sakhi ki bor ka Municipal lem bad ki bor Pulit mynta ka janmiet ki la pynieng syndon da ki bor pahara ha kitei ki jaka ba ki ju shong die jingdie ban khanglad ia ki nongdie madan ban bteng ia ki kam die jingdia ha katei ka lynti iaid kjat, hynrei ki nongdie madan khlem salia ki la pynibor ia ki bor pahara bad ia ki bor jong ka Municipal Board.
Haba ioh ban ia kren bad ka Kong Ibandarishsha Bani, kawei na ka nongdie dohkha harud ka lynti iaid kjat ha Jail Road ka la iathuh ba ka la shong dukan mynta la 12 snem eiei ha kaba haduh mynta kiba ioh ia ka Certificate of Vending (CoV) ki don tang 23 ngut bad ki 21 ngut pat ki dei kiba ym pat ioh ioh ia ka Certificate of Vending (CoV) na ka Municipal.
Pule ruh:Pynkup burom ka Seng Samla Shnong Pahamsyiem ia 39 ngut ki samla ba pass SSLC bad HSSLC
Ka la pynpaw ruh ba ki nongdie madan ki kwah ba ka sorkar kan ai jaka ia ki nongdie madan ha ka thain Jail road bad ym ban pynkynriah sha Polo lane sha kiwei pat ki jaka.
Ha kane ka sngi, la mih ruh ka jingkynnoh na ki nongdie madan ba kine kiei kiei kiba la jia ka dei na ka jingbishni u Bah Shane Thabah bad ka Kong Angela Rngad bad la kynnoh ruh dei maki kiba ju kynshoit narieh narieh ban kyndang ia ki nongdie madan ha ka lynti iaid kjat ha Jail road.
Ki la pynpaw ruh ba u Bah Shane Thabah bad ka Kong Angela Rnga kim ju phai khmat shuh sha ki nongdie madan ha Jail Road kata naduh ba ki la dep ban thaw la ka jong ka seng ki nongdie adan ba la tip kum ka Hynñiewtrep Jail Road Street Vendors Association (HJRSVA).
Peit ruh:
Shuh shuh, ki la ong ruh ba kin dang pynneh beit ban shong die jingdia ha lynti iaid kjat ha Jail road wat lada ka Municipal bad ki Pulit ki la wan khang ia ki ban shong die jingdie.
Ki la pynapw ruh ba kumno kin leit sha Polo kaba dei ka jaka shong kaba rit bad nalor kata mar shiteng kiba die madan ha Jail road kim pat ioh satia ia ka CoV, ki la bynrap
