Bteng ka KSU ban ialap iaki 5 tylli ki mat ha Umsning, byrngem ban iakhih jur lada ym pynurlong ka sorkar

Nongpoh, Nailar 12: Haba bteng ka jingialang ban pynshai sha ki paidbah halor ki san tylli ki mat jingdawa, ba ka seng ka la dawa na ka sorkar jylla ba ka dei ban jubab, ka Khasi Students’ Union, mynta ka sngi ka la lah pat ban pynlong ia ka jingialang ban pynshai paidbah ha Iew Umsning, Ri Bhoi.

Kum ban shu kdew hangne, ba na ki 5 tylli ki mat jingdawa da ka seng KSU na ka sorkar jylla, ki kynthup ban pyndam noh mardor ia ka public hearing ka Shree Cement ha East Jaintia Hills, ban sonpon kam shipor ia u DC bad SP ka East Jaintia Hills, ban tohkit mardor ia ki ophisar ka MSPCB.

Nalorkata sa ka jingdawa ban pyntreikam noh ia ka MRSSA 2016, ban pynurlong ia ka jingpynkylla ia ka Meghalaya Identification, registration (Safety &  Security) of Mirgant workers act, 2020, ban pynbeit ia ka rukom thungkam ha NEIGRIHMS kumba la kular, ban wanrah ia ka rukom thungkam kaba khuid ba suba ha MPSC bad DSC bad kynthup ruh ban pynduh pyndam syndon ia ka jingthmu ka sorkar India ban khlong ia u Uranium ha Nongbah Jynrin (Domiasiat) South West Khasi District.

Pule ruh:Na ka phone Call shah byrngem ka Kong Christabell, maham ban mudi ejehar lada ym wan ia kren.

Ha ka jingialang ba mynta ka sngi ha Umsning, la sakhi da ka jingdon u Samla Pynkmen Sanmeit, Vice President KSU Sengkmie, u Samla Eric Nongkynrih Sports Secretary, u Ferdynald Kharkamni, President KSU NKHD, u Samla James Hitler Mawphniang, General Secretary KSU NKHD, u Bah Rocky Kylla, Chairman ka Umsning Town Dorbar lem bad kiwei.

Haba ai jingkren lyngba katei ka jingialang ban pynshai paidbah halor kitei ki mat ba ka seng ka la dawa na ka sorkar ba ka dei ban pynshai, ki nongkren na ka KSU, ki la ong ba kum ka seng, ka phah ia ka kyrwoh kaba shai sha ka sorkar, ba lada kam lah ban jubab ne pynshai paidbah hapoh ki 15 sngi ba ka seng ka la buh, kaba mut ba ka seng kan sa pynjur ia ki jingiakhih ha ka jylla.

Peit ruh:

Namarkata, na ka liang ka seng, ka la kyntu ia ki paidbah, ia ki kmie ki kpa bad ia ki khun samla, ba kin ai ka jingkyrshan ia ka seng, halor kitei ki 5 tylli ki mat jingdawa ba ka seng ka la dawa na ka sorkar ba ka dei ban jubab bad ban pynshai paidbah.