Shillong, Naitung 02: Da ka jingangnud ban nang pynkhlaiñ ia ka jingiadei hapdeng ka ri Japan bad ka ri India khamtam bad ka jylla Meghalaya hi ruh ha kiba bun ki liang, na ka liang u Bah John F Kharshiing, u ba bat kum u Co-Chairman ka tnad Meghalaya State Planning Board bad ruh u Working President ka Meghalaya State Olympic Association (MSOA) ha ka 1 tarik Naitung u la leit ban ia kynduh bad ki heh ophisar kiba mihkhmat naka ri Japan kiba la don ha nongbah New Delhi ban ia kren pynbeit ia kiba bun ki kam bad ban pynkhlain ia ka jingiadei.
Ha kane ka jingleit ia kynduh u Bah Kharshiing ia ki ophisar ka ri Japan ba la mihkhmat da ka Kobayashi Takashi bad u Hakamata Maho kum ki Secretary ka Japan hapoh ka Embassy jong ka Japan ha Delhi, la ioh ban ia tai sani bha ha kiba bun ki mat, khamtam ka jingnang kyntiew ia ki kam ialehkai, ka kam jngohkai pyrthei bad ruh ban pynkhlaiñ ruh ia ka jingiadei ha ka riti dustur bad kiwei kiwei.
U Bah Kharshiing u la pyntip ruh, ba ym tang bad ka jylla Meghalaya, hynrei kine ki Secretary na ka ri Japan ki la ia kynduh ruh bad kiwei kiwei ki ophisar na kiwei pat ki jylla ka ri India ban ia pynbeit ia kiba bun ki kam kum ka jingiatreilang ban pynkhlain ia ka jingiadei jong ka ri Japan bad ka India, ha kaba la rai ruh ban sdang noh ruh ia ki Exchange Programme bad ban plie ia ka lad iohkam iohjam jong ki samla ka ri India ha Japa
