Ka Seng Hynñiewtrep National Youths Front HNYF Southern Border Area ha ka jingïalam u Kyllang Thongni President bad u Bah Drimshon Mawlein Secretary mynta ka sngi ki la leit jurip biang sa shisien ia ka surok kaba la jot rathai na Weiloi kaba sam lyngba shaduh sha Trongpleng, Umpung bad kumjuh ruh sha duh sha Shnong Balat.
Ki nong ialam jong ka Seng HNYF kila phah iaka kyrwoh ba kane ka dei ka sien jam ba ar kum ka jingiakhun ban pynkohnguh ia ka sorkar ba kan mang pisa na ka bynta ka surok Weiloi shaduh sha shnong Balat, Umpung bad Trongpleng bala sniew shaba palat bad buh jingeh ïaki paidbah haka leit ka wan.
Ha kane ka sngi ka seng kala pynieng ruh da ka khyrdop ban khang ïaid ïaki trok kit mar ban ïaid na katei ka surok, namar ka jingnang sniew bad jot rathai ka surok katba nang mih ki sngi bad maham ruh da kaba tyngeh ïaki trok ba ïaleh pyrshah ba kim dei ban ïaid shuh lyngba katei ka surok bad naka liang ka seng kala pynshai ruh ba kane kam dei ka jingbishni ïano ïano hynrei ka seng ka leh naka bynta ka jingbha lang jong baroh bad kyrpad ruh sha ka sorkar ba ka dei ban shimkhia mardor ban peit ïaka jingeh jong ki paidbah ba leit ba wan lyngba katei ka surok.
