Nongpoh, Nailur 12: Ka 7 Trep Meghalaya Ex-Servicemen League, Unit Ri-Bhoi, hapoh ka jingialam jong u bah Shngainlang Thangkhiew kum u President bad u bah Niren Pambah kum u Secretary kum shi bynta ban wanrah ia ka jingiatylli bad ka jingiakyrshan mar kylliang, mynta ka sngi ka 12 tarik u Nailur 2026 ka la pynlong ia ka annual General Meeting ha Iing Dorbar jong ka shnong Lumdaitkhla Bhoirymbong ha kaba la wan ban ia shim bynta da ki shipai ba la shongthait bad ki bahaiing hasem jong ki shipai kiba la khlad noh kiba dei na ka them Ri-bhoi.
Ha katei ka jingialang la ia kren ia shibun tylli ki mat kiba iadei bad ka bha ka miat, ki jingioh jingiarap na ka sorkar kmie bad sorkar jylla jong ki shipai bala shongthait lem bad ki longing jong ki bad ruh na ka bynta ki longiing jong ki shipai kiba la khlad noh.
Ha ba kren sha ki lad pathai khubor hadien ka jingialang u bah Shngainlang Thangkhiew kum u President u la pynpaw ba kum ka kynhun ki la ia rai ha kane ka sngi ba kin pynrung thup kyrteng noh bad ka bor pyniaid Distrik ban ioh ia ka jingithuh kaba thikna khnang ban pynsuk ia ka jing ia trei kam khamtam ha ka ban pynioh ia ki lad jingiarap kiba kum ki Shipai ba la shongthait kidei hok ban ioh. Kum ka kynhun ki la shim ruh ia ka rai ban leit buh jingthoh sha ki jaka pule bad ki bor pyniaid district na ka bynta ban pyn ioh bhah kyrpang ha ki jaka pule na ka bynta jong ki khun jong ki shipai ba la shongthait.
Peit ruh:
Ha katei ka jingialang la ioh ruh ia ka jingpynshai paidbah ha kaba iadei bad ki lad jingiarap kyrpang kiba ka Sorkar kmie ka la pynkhreh bad pyntreikam ruh na ka bynta jong ki shipai ba la shongthait kumjuh ruh na bynta jong ki longing jong kito ki shipai bala khlad noh da u bah Daswell Marbaniang, Wellfare Organizer, Zila Sainik Welfare Shillong, In-Charge Ri-Bhoi District.
