Baghmara, Naitung 03: Ki paidbah ba leit ba wan lyngba ka surok Baghmara ba hap ha ka National Highway- 62, ki la hap ban mad ia ka jingsyrtok ha ka leit ka wan, kaba dei hadien ba katei ka surok ka la twa noh mynta ka step ha ka por 1 baje mynstep nakadaw ka jingbteng ka jingther jong u lapbah lapsan.
Kane ka jingtwa ka surok ha katei ka surok, ka dei hajan Baghmara Municipal Board, Bolsalgre, harum ka Circuit House bad kane ka la ktah ia ki paidbah ba leit sha Siju, Rongara bad Nangalbira, ha kaba kane ka surok ka pyniasoh ruh ban iaid lyngba ka Jingkieng ka wah Simsang bad ruh ka Wah Rompa.
Kumba la ioh lum jingtip, la ong ba kane ka jingtwa ka khyndew ha Baghmara, ka la wan rah ka jingjynjar ia ki paidbah ba leit ba wan bad khamtam ka la ktah ruh ia ka leit ka wan ki paidbah kiba thmu ban leit sha East Garo Hills.
Halor kane ka jingtwa ka surok, ki paidbah ki la pynpaw ia ka jingsngewkhia kaba jur, namar kane ka la ktah ia ka leit ka wan bad khamtam ba ki Kali kim lah shuh ban iaid lyngba katei ka surok, hadien ba la don ka jingtwa katei ka surok.
Ki paidbah ki la pynpaw ruh ba kane ka jingjia, ka dei hi na ka daw ka jingbym don kita kiba peit ba khmih bha ia ka surok, namar kim biang ki nala um bad haba jia kum kane pat ka jingjia, kiba jynjar bad kiba hap mad jingeh ki dei ki paidbah.
Ka sur na ki paidah ki la kyrpad ruh ia ka sorkar jylla, lyngba ka tnad PWD ba ki dei ban shim khia ban pynbha noh ia katei ka surok, khnang ba kan nym ktah ia ki paidbah ha ka leit ka wan, ha kaba kane ka surok ka dei kawei na ka surok ba ki paidbah
