Khliehriat, Nailur 28: Ki nongialam ka Meghalaya Commercial Truck Owners and Drivers Association (MCTODA) na Jaintia Hills Unit ha ka janmiet jong ka sngi Saitjain ki la leit syndon ban ia kynduh ne ia kren ia ki bor pyniaid ka Dalmia Cement, kaba dei halor ka jingkynnoh ba ka Copany ka thok ba ym ju don kata ka jingshalan dewbilat sha ka thain Byrnihat bad ka dei tang ka jingshalan dewbilat sha Barak valley, Assam.
Haba kren sha ki lad pathai khubor, u President ka MCTODA Jaintia Hills Unit u Bah Heibor Pariat u la ong ba ha ka jingiakren ka Kompani ka thok beit ba kam ju don kata ka jingshalan dewbilat sha ka thain Byrnihat ha kaba ki shalan tang sha Barak Valley, hynrei ki dribar pat ki la ioh jingtip ba ka don ka jingshalan dewbilat sha ka thain Byrnihatk aba la pynlong ia ki ban khang syndon ban shalan dewbilat na katei ka Kompani.
Sa pule ruh: Rai Ka Association Ki Auto Rickshaw Ban Pynkiew Dor Bai Kali Haka Thain Nongpoh
U la ong ruh dei lyngba kane ka jingpyrshah bad ka jingkhang ban kit dewbilat ban leit pynhap sha ka thain Byrnihat, katei ka Kompani ka la sdang biang ban ai lad ban kit dewbilat ia ki Kali jongki.
Ka MCTODA ka pyrshah jur ia kine ki kam buit tuh ka Dalmia Cement bad ka dawa ruh ab dei ban ai bhah ban kit dewbilat kumba la buh bha da ka sorkar kata dei bab ioh beit 40 trip ha ka shi sngi. Ha kane ka jingiakren ki nongialam ka MCTODA ki la pyneh hi triang bad dei hadien ka jingiatai kaba la neh slem ba ka Dalmia Cement ka la ailad biang ban kit dewbilat bad na ka liang jongki ruh ki al weng noh ia ka jingiakhih ban khang ia ki Trok ban kit dewiong na katei ka Kompani.
Sa peit ruh
[…] Also Read: Kynduh Ka MCTODA Ïaki Bor Pynïaid Ka Dalmia Cement Bym Ioh Bhah Kit Dewbilat Sha Thain … […]