Nongpoh, Nailur 30: Ka Ribhoi District Congress Committee RBDCC ryngkat bad ka Ribhoi District Youth Congress mynta ka sngi ka 30 tarik Nailur ki la mih madan da ka jingiaid rally ha lynter ka surok bah Nongpoh ban dawa hiar shuki mardor ia u Ganesh Kumar, Chief Election Commissioner, ka ri India , ba la kynnoh donkti ha ka jingpynduh vote jong u ia ki phew klur ki nongthep vote ka ri India lyngba ka Special Intensive Revision (SIR).
Kane ka jingïaid rally ka la sdang naduh Indoor Stadium, Umlyngkdait bad la pynkut pat ha phyllaw ka Nongpoh Shoping Complex.
Ha kane ka Rally la wan ban ïa shimbynta lang da ki Nongïalam bad ki dlhot ka Party congress na District bad na ki block bapher bapher ryngkat bad ki paidbah nongkyrshan ki ba la pyrta jam ban pynrem iaka jingleh buittuh da u Chief Election Commisioner ka ri bad ban dawa hiar shuki mardor ïa u.
Ha kane ka sngi la iadonlang da u President ka Ribhoi District Congress Committee u bah Cleophas Syiem, U Bah Klan Lyndoh Working President, u Samla Standwell Manih President ka Ribhoi District Youth Congress, U Samla Antonio Lapang Vice President Ka Nongpoh Block Congress Committee lem bad kiwei kiwei.
Sa peit ruh
