Ka Ri-Bhoi People’s Council mynta ka sngi kala mih shakhmat ban pynphai ñia ïaka seng Samla Mawlai Pyllun kaba la mih ban kynthoh ïaka seng RBPC haba ïadei bad ka post Staff Nurse kaba la lait ha MCH Hospital, kumba la pynbna da ka ophis ka DMHO Ri-Bhoi District.
Haba kren sha ki lad pathai khubor mynta ka sngi naka liang u Bah Jayson Lennox Nongrum u la ong kumba ka seng Samla Mawlai Pynllun ka sngewkhia naka bynta ki khun samla ka shnong, ka RBPC ruh ka don ka juh ka jingsngew, bad kaba sngew lyngngoh ka long ba balei ka Seng Samla Mawlai Pyllun ka mih ban kynthoh ïaka RBPC haba ïadei bad ka post Staff Nurse kaba la lait ha Ri-Bhoi kumba ka seng RBPC kala buh hakhmat ba dei ban ailad shuwa ïaki samla naka district namar ki don da ki spah ngut kiba bit ban trei ïa katei ka kam, balei ka seng Samla kam mih shakhmat ban kren ïaka advertisement bala pynlait ha West Jaintia Hills kaba la khot tang ïaki trai shnong katei ka district? La buh jingkylli u Bah Jayson.
U la ong ruh Hadien ba iohi iaka advertisemtn jong ka west Jaintia hills district la khot tang iaki permanent resident katei ka district bad kane ka pynkynmaw iaka seng ba kan bud ia kaei kaba la ialam, hynrei ym don mano mano ba mih shakhmat ban kren ia katei, hynrei haba ka RBPC ka mih don kiba kynnoh ba ka seng ka thmu ban pynjot pynpra iaka jaitbynriuew hato ka jingieng naka bynta ki samla ka long ban pynjot pynpra, ka mat long namar hangi kam don kata ka jingmut bad lada don kiba pyrshang ban pynlong communal kadei ka kam politik jong ki namar ka ribhoi ka pdiang ruh baroh khlem da khlein u bhoi u war khynriam u pnar.
Sa peit ruh
