Nongpoh, Risaw 2: Ka Program Swachhata Hi Seva 2026 ka ba la sdang naduh ka 17 tarik, Nailur, mynta ka sngi ka la poi sha kaba kut lyngba ka prokram pynkut kaba la pynlong da ka ophis jong u Deputy Commissioner ka Ri-Bhoi District ha ryngkat ka jingïatreilang bad ka Nongpoh Town Committee.
Ha kane ka program pynkut, la wan ban ïa shimbynta lang da U MLA ka Nongpoh, u Mayral Born Syiem, uba la long u Kongsan ha kane ka prokram bad u Dr. Abhishek Saini, IAS, Deputy Commissioner ka Ri-Bhoi District, kum u Symbud Kongsan.
Ha kane ka sngi la wan ïashim bynta ruh da ki rangbah shnong naki shnong bapher bapher, ki khynnah skul, ki nongtrei haka kam pynkhuid shnong bad ki nongshong shnong na ki thaiñ bapher bapher.
Ka thong jong kane ka campaign ka long ban pynkhlaiñ ïa ka jingïashim bynta jong ki paidbah ha ki kam pynkhuid bad ban sumar ïa ka khuid ka suba haki shnong ki thaw, ha kajuh ka por ban ithuh bad burom ruh ïa ki samla ne ki rangbah kiba trei naka bynta ban pynkhuid ïaki jaka paidbah.
Sa pule ruh: Didn’t Pledge Support To Nonglait, Says Sutnga Catholic Church
Shuwa ban pynkut ïa ka prokram, la sam ïaki khusnam sha ki khynnah skul kiba la jop ha ki jingïakop bapher bapher kiba la pynlong ha ki sngi jong kane ka campaign bad La pynkup burom ruh ïa ki nongtrei kiba pynkhuid ïaki jaka paidbah kum ka dak jong ka jingsngewnguh ïa ka jingshimkhia bad ka jingaiti jong ki ban wanrah ïaka khuid ka suba khamtam haka shnong Nongpoh.
Ha ka jingïakop Cleanest Locality hapoh ka kyrdan Urban Area, ka shnong Saiden ka la ïoh ïa ka nam kum ka shnong kaba khuid tam. Katba ha ka kyrdan Cleanest Commercial Complex , ka Miracle Plaza ka la long ka jaka khaii kaba khuid tam hapoh ka Urban Area.
Kawei pat ka bynta ba kongsan jong kane ka prokram ka long ka jingplie paidbah ïa ka P6 Video Wall bad ki kam kiba pynitynnad ïa ka Nongpoh Town Shopping Complex, kiba long shi bynta jong ki jingpyrshang ban pynbha ïa ki jaka paidbah bad ban pynitynnad ïa ka dur jong ka Nongpoh.
Sa peit ruh:
