Ka Jingwan Poi U Paidbah Sha Madan Polo, Dei Ka Dak Ba Shai Ban Jop U Dr. Myrboh: Ardent

Shillong, Risaw 10: Ka jingwan tuid ki paidbah da ki hajar mynta ka sngi sha Madan Polo ban ai jingkryshan ia ka VPP party, ka la dang ai mynsiem ia u Bah Ardent Miller Basaiawmoit kum u President ba rangbah ka party, ba kane VPP party ka nym don kata ka jingartatien ba u kyrtong ka VPP u Dr. Batskhem Myrboh un jop ha kane ka election MP shiteng Samoi na ka Shillong Parliamentary Constituency.

Haba kren sha ki lad pathai khubor hadien ka jingialang, u Bah Ardent Miller Basaiawmoit u la ong, ba ka VPP ka don ia ka jingkyrmen kaba skhem ba u Kyrtong ka VPP u Dr. Batskhem Myrboh un jop suk ha kane ka election MP shiteng samoi, namar u paidbah u dang ai kata ka jingkyrshan ba pura ia ka VPP Party.

“ Phi sakhi hi kumba long mynta ka sngi ka jingwan tuid ki paidbah ha kane ka jingialang ka party VPP, ka dei ka dak kaba ki paidbah ki dang ai ka jingkyrshan bad ka jingshaniah kaba pura ia ka VPP Party” ong u Bah Basaiamoit sha ki Nongthoh Khubor.

Pule ruh: Three CJP Leaders Detained at Delhi Airport, Protest at Jantar Mantar Disrupted

Haba kren pat halor ka jingdang bun ki MLA ka BJP ha ka ka jylla, u Bah Ardent Miller Basaiawmoit u la ong ba ym dei tang ka BJP bad kiwei kiwei ki party ruh ki lah ban wan haba ki kloi ban pynlut pisa na ka bynta ba ki kwah ban ioh ia ka bor, hynrei kumba long haduh mynta hi ki paidbah ki dang kyntait ia ka BJP ha ka jylla Meghalaya.

Shuh shuh, u la kren ruh ba ka Party VPP ka dei ka party kaba ia pher na kiwei ki party, ha kaba ki paidbah hi ki kyrshan da ka jingieit khlem da ai pisa ne khlem da pynbiej ia ki paidbah bad ki wan hi ban kyrshan halor ki nongrim ba skhem jong ka party.

Peit ruh: