U nongialam ba radbah jong ka seng Bharatiya Janata Party (BJP), u Lal Krishna Advani ha ka janmiet jong ka sngi Balang u la hap ban poi hospital biang namar ka jingshitom kaba la ban ha ka met ka jong u na ka jingnoh ka rta bad ka jinglong tymmen.
Utei u nongialam ka BJP uba la long teng ruh kum u symbud myntri rangbah ka ri, uba la don mynta la 96 snem ka rta, la pynsah hapoh ka jaka ai jingsumar jong ka Apollo Hospital jong nongbah Delhi. La iathuh ruh ba ka jinglong jingman jong ka met ka phad utei u nongialam ka BJP ka la kham biang bad u dang don hapdeng ka jingkhmih bniah jong ki doctor.
Kum ban shu kdew, dang ha ka 26 tarik jong u bnai Jylliew, 2024, u Advani u la shah rah sha ka All India Institute of Medical Science (AIIMS) halor ka jingshitom na ka jingnoh ka rta bad hadien ka jingsumar, la pyllait noh ia u ha ka sngi kaba bud kata ka 27 tarik jong u bnai Jylliew, 2024.
