4 ngut ki briew ba suba ruh ba ki dei ki bar jylla kila shah pyniap dusmon haka shnong Umpleng East Jaintia Hills bad ïa kitei ki briew la teh lang hajuh bala suba ruh ba ki runar kila pyniap na kawei ka jaka bad leit bret pat ha katei ka jaka.
Katkum ka khubor bala ioh lum, ïa ka met jong kitei ki 4 ngut ki briew la lap hynne ka step ryngkat ki dak ki shin ba kila shah mait bad pom ruh da ki kynja tiar ba nep haki bynta jong ka khlieh.
Halor katei ka jingjia naka liang ki pulit jong ka East Jaintia Hills ki dang pynlong ka jingtohkit ban thwet ïaki runar ba donkti ha katei ka kam.
