Ka tnad iada ri jong ka India mynta ka sngi ka la pyn-i paidbah ia ka wei ka tup iakhun thma kaba la ai kyrteng Zorawar. Kane ka tup kadei kaba khia tang kumba 25 ton bad kaba don marshiteng ka jingkhia haba ianujor bad kiwei pat ki tup iakhun thma kiba khia kum ka T-90.
Katkum ki lad khubor ba la ioh lum, la iathuh ba ia kane ka tup Zorawar, la shna daka Defence Research and Development Organisation (DRDO) ryngkat bad ka Larsen & Toubro (L&T) na ka bynta ban pynbiang ia ka jingdonkam jong ki shipai ka ri khamtam ha ki jaka lum thah kum ha Ladakh bad kiwei kiwei de.
Ha kine ki hynriew bnai kiban sa wan, kan sa don ka jingpyrshang ia katei ka tup ha ki jaka bapher bapher bakynthup naduh ki jaka kiba shit, kiba khriat bad ruh sha ki jaka lum kiba kynjang bad jrong na ka sla duriaw bad antad ba yn aiti ia ki shipai ban pyrshang ia katei ka tup naduh u bnai Nailar jong u snem 2025.
