Ka jingtwa khyndew ha shilynter jong u surok bah NH 6 ka dei kaba ju jia naka por shaka por bad mynta ka sngi u Blei ka khyndew kala twa bad hap biang sha surok bah haki bynta jong ka shnong Umsamlem hadien ka jingther u lapbah bad donbok ba ha katei ka jingjia ki paidbah ba leit ba wan lyngba utei u surok kila lait naka jingmynsaw ne ka jingjia ba sngewsih.
Lyngba katei ka jingtwa khyndew kala wanrah ruh ka jingdheng kali ba shipor bad naka liang ki bor pulit bad NHAI kila leit mar mar sha katei ka jaka ban pynbeit ïaki kali ba leit ba wan bad kumjuh ruh ban weng ïa katei ka khyndew bala twa sha surok ban nym pynthud ïaka leit ka wan ki paidbah.
