Ka Ïingbishar ba hakhlieh duh jong ka ri, ka Supreme Court ka la mynjur ia ka kyrteng jong u Justice Tashi Rabstan ban shimti ia ka kam Chief Justice jong ka Meghalaya High Court hadien ka jingshongthait noh jong u Justice S Vaidyanathan ha ka 16 tarik jong u bnai Nailar, 2024.
Ka tyllong khubor kaba la iohlum, ka la iathuh ruh ba u Justice Tashi Rabstan undei uba nyngkong eh na ki thain jong ka Ladakh u ba la lah ban kiew shaduh kane ka kyrdan Chief Justice.
Na ka liang jong ki bor ba dei khmih ka Ladakh Autonomous Hill Development Council (LADHC), Leh, na ka Union Territory, Ladakh ki pynpaw ia ka jingaikhublei kaba kyrpang ia u Justice Tashi Rabstan halor kane ka jingshah thung ka jong u ia ka katei ka kam Chief Justice jong ka Meghalaya High Court bad pynpaw ruh ba kane ka jingshah thung ka jong u, ka la wan ia ka burom kaba khraw ia ki nong Ladakh.
