U MLA ka South Shillong konstitwensi, u Bah Sanbor Shullai mynta ka sngi ula pynkupburom iaka nongmareh ba pawnam ka Jylla i meiied Kmoin Wahlang.
Lah ban kdew ba i mei ieid Kmoin Wahlang naka shnong Sngimawlein South West Khasi Hills haka rta ba 76 snem ila shah jied ban mihkhmat iaka Ri India ban mareh shaka ri Australia.
Kane ka jingpynkuburom ia i mei ieid Kmoin kadei kum shi bynta ban ai mynsiem ia i ban ioh ka jingjop naka bynta ka nam bad burom iaka Ri bad iaka Meghalaya.
“Watla ngim lah ban leit synranlang hynrei ngi kitbok kit rwiang ia phi mei ieid ba phin ioh ka met ba koit ka khiah bad phin wanrah ka nam ka burom iaka Jylla Meghalaya bad iaka ri” la ong u Bah Sanbor.
Ha kane ka sngi, u Bah Sanbor u la noh synniang ruh da ka song pisa ba T.1 lak tyngka sha i meiied Kmoin Wahlang bad T.30 hajar sha u Bah Biningstar Lyngkhoi kum ka dak jingkyrshan.
