Ka Executive Committee (EC) jong ka Khasi Hills Autonomous District Council (KHADC) kala pynbna ba la pynsangeh noh ia ka hukum jong ka EC ba la pynmih ha ka 21 tarik Jylliew ba kynthup ia ka shnong Majai kum ka ka Raid.
Lah ban kdew ba ki khun ki hajar ka Hima Sohra, ki la byrngem ban tur paidbah sha KHADC, lada ka EC kam pynduh ia ka hukum, ba pynbna ia ka Majai, kum ka Raid.
Ha ka shithi ba la thoh sha u Syiem ka Hima Sohra u Bah Freeman Sing Syiem, u Deputy Secretary ka EC ka KHADC ula pynpaw ba la rai ban pynsangeh noh ia ka hukum jong ka EC hadien ba ki la ioh ia ka jingujor na ki liang bapher bapher haba iadei bad ka Raid Majai, haba hap hapoh ka Sohra Syiemship.
“Ia kane donkam ban peit biang. Kumta, katkum ka hukum ba pynmih haka 18 tarik Naitung 2004, ka Committee ka la rai ban pynsangeh noh ïa ka hukum jong ka Committee ba pynmih haka 21 Jylliew 2024,” la ong u Deputy Secretary.
Ïa kane ka shithi bala pynsangeh iaka hukum, la aiti da u Deputy CEM ka KHADC u Bah Pynshngain N. Syiem sha ki nongshong shnong ka Sohra Syiemshhip ha ka jingïadon lang u MDC ka Sohra bad u CEM barim u Titosstarwell Chyne.
