Nongpoh, Naitung 25: U National Secretary ka BJP bad ubad ei ruh u in-charge na ka bynta ka jylla Meghalaya, ha ka sien kaba nyngkong u la wan poi ha ka jylla Meghalaya, hadien ba u la shah thung kum u nongpeit nongkhmih ia ka party BJP ha ka jylla Meghalaya.
U Anil Antony kum u National Secretary ka BJP bad uba dei peit ia ka jylla Meghalaya, haba wan poi hynnin ka sngi sha ka jylla, u la hiar ha Ri Bhoi ban ia kynduh ia ki nongialam bad ki nongkyrshan ka party BJP ha ka jingialang kaba la pynlong ha ka ophis treikam ka BJP ha Nongpoh.
Ha kane ka jingiakynduh ia ki nongialam ka BJP la don ryngkat ruh u state president ka BJP U Rikman Momin. Haba u la wan poi ha Nongpoh la pdiang sngewbha ruh ia u National Secretary ka BJP da ki nongialam ka BJP na Ri Bhoi ba kynthup naduh ka Kong Marian Maring, Prahlad Singh Toor, President ka BJP Ri Bhoi, u Bah Sen Thabah bad kynthup ruh da ki nongialam ka Jirang Mandal, Mahila Morcha bad kiwei kiwei ki nongialam.
U Anil Anthony u dei na Kerela bad u dei ruh u khun jong u chief minister barim ka Kerela.
