Ka sorkar jylla lyngba ka jingpyntip (Notification) kaba la pynmih ha ka 23 tarik u bnai Naitung 2024 ka la pynbna ba ka don ia ka jingthmu ban pylong ia ka Law Lyngdoh jong ka Raid Sawkur Nongkseh ha East Khasi Hills kumta ka jaka kaba la iada kyrpang lane kata ka protected site.
Katkum ka kyrwoh kaba la pynlait paidbah mynta ka sngi, ka sorkar jylla lyngba u Principal Secretary jong ka tnad Arts & Culture ka la pyntip ruh ba lada don kino kino kiba don jingpyrshah halor kane ka jingthmu jong ka sorkar, ki lah ban phah sha ka sorkar jylla hapoh 30 sngi na naduh ba la pynmih ia kane ka jingpyntip.
