SHILLONG, NAITUNG 29: Ka sorkar jylla lyngba ka High Power Committee kaba la shong jingialang mynta ka sngi ha nongbah Shillong, kala shim ia ka rai ban pyllait pyllait noh ia jingiaid jong ki kali ha baroh ar liang jong ka jingkieng Umiam.
Ia kane la pyntip paidbah da u AT Mondal, Myntri ba dei khmih ia ka tnad Bording ka jylla hadien ka jingialang jong ka HPC, kaba la pyniaid da u Bah Prestone Tynsong, symbud Myntri Rangbah ka jylla, ka Kogn RM Kurbah, Deputy Commissioner ka East Khasi Hills, ka Kong Idashisha Nongrang, Director General of Police ka jylla, ki consultant ka IIT Guwahati lem bad kiwei de ki heh ophisar ka tnat PWD.
Haba kren sha ki lad pathai khubor, u Mondal ula iathuh ba kane ka jingpyllait ia ki kali kan dei tang ia kito kiba khia hapoh ka 4 Metric Ton, kaba mut la shah ban iaid tang ki kali rit. Na ka liang utei u myntri, u la iathuh ruh ia kane yn sa khmih bniah ha ki sngi ki ban sa wan la yn shah ne em ia kiwei pat ki kali kiba khia palat ia katei ka 4 Metric Ton.
