Ha ka jingialehkai paralok hapdeng ki klob ialehkai phutbol bapher bapher ha ka pyrthei, ka FC Barcelona ka la lah ban pynliem noh ia ka Manchester City da 4-1 ha ka jingiakhun kaba la poi sha ka jingiashut Tie Breaker.
Ia katei ka jingiakhun hapdeng kitei ki Klob ba radbah ha ka pyrthei, la pynlong ha Camping World Stadium, United States
Haba phai ha ka jingiakhun jong ka kylla step, ka FC Barcelona ka la lah ban lamkhmat ia ka jingiakhun da kaba ioh ban thep kol ha ka minit ba 24 lyngba u P. Victor, hynrei katto katne minit hadien katei ka kol, ka Manchester City, ka la ioh ban pynphai lyngba u N. O’Reilly uba la thep ha ka minit ba 39, pynban ha ki minit shwa ban kut ka kylla step, ka FC Barcelona, ka la ioh ban thep kol lyngba u P. Torre bad kaba la pynlong ia ka FC Barcelona ba ka tam da 2-1 ha ka kylla step.
Haba la bteng ka kylla miet, katba ka jingiakhun ka dang iaid shakhmat, ka la jingiakhun ruh ka la nangitynnad bad dei ha ka minit ba 60 ba ka Manchester City, ka la ioh ban thep kol lyngba u J. Grealish kaba la pyniakhaid ia ka jingiakhun. Haba ka jingiakhun ka la kut ha ka jingiakhaid kaba 2-2, la rah noh sha ka Tie Breaker bad dei ha ka Tie Breaker ba ka FC Barcelona ka la khur ia ka namjop da 4-1.
