Ka kynhun ialehkai Hockey ka India, ka la lah ban rung sha ka Semi Final ha ka Olympic Games kaba la long ha Paris, hadien ba ki la lah ban pynliem noh ia ka Great Britain da 4-2 ha ka jingiakhun kaba la poi sha ka Penalty Shoot-out.
Ki rangialehkai Hockey ka India, ki la hap ban lehkai tang 10 ngut ha ki 40 minit tam bad kata ka dei hadien ba u Amit Rohidas, u la ioh Red Card, hadien ba u la kum rah kham shajrong palat ia u dieng tied bol Hockey bad kaba la pynmynsaw ia u rangialehkai na Great Britain.
Ka jingiakhun Quarter Final jong ka Hockey ha katei ka Olympic, ka long ba ka India ka la ioh ia ka lad ban pynkhih jar ia kaba la thep da u Harmanpreet Singh ha ka minit ba 22 jong ka jingiakhun, hynrei ka Great Britain ka la lah ban pynphai noh lyngba u Lee Morton ha ka minit ba 27.
Haba ka jingiakhun ka la kut ha ka jingiakhaid kaba 1-1, ki nongpyniaid ki la rah noh sha ka Penalty Shoot-out, ba ka India ka la pynliem noh ia ka Great Britain da 4-2.
Ha katei ka jingiakhun Quarter Final, u PR Sreejesh, u la long kum u namtam na bynta ka kynhun ialehkai ka India bad uba la lah ban iada ia shibun ki bol kiba la dei ban rung sha kol ka India.
