U Symbud Myntri Rangbah ka Jylla u Bah Prestone Tynsong ula pyntip baka Sorkar Jylla kala rai ban pynjari daka Curfew ha palat 444 Km ki khappud ka Meghalaya bad Bangladesh.
Kane ka curfew kan treikam naduh zero line haduh 200 meter na u pud u sam jong ka Bangladesh bad Meghalaya bad kan treikam naduh 6 baje janmiet haduh 6 baje mynstep man ka sngi tad haduh ban da pynbna da kumwei pat.
Ïa katei ka rai la shim ha ka jingïalang kaba kyrkieh kaba la long bad ki shipai pahara khappud (BSF) bad ki pulit ka jylla Meghalaya.
“Hadien ba la ïohi ïa ka jinglong jingman ha Bangladesh, ka Dorkar Jylla ka la rai ban pynjari daka curfew ha shilynter u pud u sam jong ka Meghalaya bad Bangladesh” la ong u u Bah Prestone.
U Bah Prestone u la ong ba ka sorkar India ha ryngkat ka sorkar jylla ka la bthah ia ki shipai BSF kiba don ha kane ka jylla Meghalaya ba kin long kiba peitngor ha shilynter u pud u sam jong ka Jylla.
U la pyntip ba kumba ka long mynta ki don 9 Batallion ki BSF kiba pahara ia u pud u sam jong ka Meghalaya bad ba ka tnad kam pohiing ka sorkar India ka la pynthikna ia ka sorkar jylla ba kan phah shuh shuh ia ki shipai paramilitary lada donkam.
