Ka la long shisha ka burom kaba khraw ia ka jylla bad khamtam eh ia ka jaid bynriew Khasi, ban tip ba kawei ka samla Khasi kaba la tip kum ka Airikmenlang Shabong, ka samla kaba la mihkhmat na ka 61 Meghalaya Cadet sha ka National Arm Wrestling Championship 2014 kaba la long ha Nagpur Maharashtra.
Ka Samla Airikmenlang Shabong, la ioh ar-tylli ki Takma Ksiar kaba la iakhun da ka kti kamon, kata ka la ioh Takma Ksiar ha ka ka kyrdan jong ki samla bad kiba la rangbah ruh kumjuh.
Nalor kitei ki Takma Ksiar ba ka la ioh ha ka jingiakhun da ka kti Kamon, ka samla Airikmenlang Shabong, ka la ioh ia ka Takma Rupa ha ka jingiakhun ka kti ka diang ha ka kyrdan ki samla bad kaba la khur ruh ia ka Takma Rnong ha ka jingiakhun da ka kti ka diang ha ka kyrdan ki rangbah.
Lyngba katei ka jinglah jong ka samla Airikmenlang Shabong ban khur Takma ha katei ka jingiakhun, mynta pat kan sa ioh ia ka kabu ban mihkhmat ia ka India sha ka World Arm Wrestling & Para Arm Wrestling Championships 2024 na bynta ki samla kiba ka jingkhia ba hapoh 50 KG bad ha ka kyrdan ki rangbah, ka ban sa long hapoh ka ri Moldova naduh ka 15 haduh ka 25 tarik mynta u bnai.
