Ka jylla Meghalaya bala mihkhmat da ka skul Christian Higher Secondary School, Pahamsyiem mynta ka sngi kala mad ïaka jingjop ba nyngkong haka lympung Subroto Cup Football Tournament 2024 jong ka U-17 ki kynthei hadien ba kala lah ban pynliem kput ïaka IIPS bala mihkhmat da ka Vidya Devi Jindal School, Hisar da 10-1 kol ha madan ïalehkai KIIT Football Ground ha nongbah Delhi.
Naka liang ki thei ïalehkai jong ka Christian Higher Secondary School Pahamsyiem kila lah ban lehkai bha bad ban tehlakam ïaka bol naduh ba sdang jong ka jingïalehkai bad hapdeng ka jingïakhun kaba jur ki thei ïalehkai ka jylla Meghalaya kila ioh ban pynkhih bunsien ïaka jar bad ioh ban thep haduh 10 kol katba ka IPSC kala ioh ban thep tang 1 kol haduh ba kut ka kylla miet.
Naka liang ka Daiamon Makhroh kala ioh ban thep haduh 4 Goals bad ka Pynibha Rangthaluh kala ioh ban thep haduh 6 kol bad lashai ka 7 tarik ki thei ïalehkai ka Jylla Meghalaya kin sa ïakhun pyrshah ïaka Maharashtra haka por 3:30 janmiet.
