Na ka jingjur palat u lapbah ha kine ki sngi ba bun jaka ki paidbah ki la hap ban mad ia ka jingshlei um bad kane ka jingther u lap bah ym tang ba ka wan rah ia ka jingshei um, hynrei ka la pynjot ruh ia kiba bun ki surok paidbah.
Kum ban pynkynmaw, ha ka jingther u lap, ka la wan ka jingshlei um khatam ha ka thain Jorobat shaduh Khanapara bun tylli ki Kali paidbah ki la sahkut, namar ba ia ka surokbah la tap lut da ka jingshlei jong ka um. Na kane ka jingther u lapbah la don ruh ki skul kiba la kynduh mawsiang ba ka um ka la rung shaduh ki kamram klas bad ki kamra jong ki nonghikai.
Kumba la ioh lum jingtip, ki samla pule ba pule ha ka skulbah University of Science & Technology, Baridua ki la hap ban mad ia ka jingkynduh mawsiang, namar na ka jingther u lapbah, ka la pynjot lut ia katei ka surok. Kane ka jingshah ktah kam dei satia tang ia ki samla pule ka skulbah USTM, hynrei ki paidbah bad ki nongshong shnong katei ka thain ki la mad kajuh ka jingjynjar ha ka leit ka wan.
Na ka daw ka jingjynjar ki samla pule, la ioh lum jingtip ba ki bor pyniaid ka skulbah USTM ka la hap hi ban shim ia ka jingkitkhlieh na ka bynta ban maramot ia ka surok ba la pynjot da ka jingther u lapbah, ka daw ka long ba la jynjar ban leit wat ki Kali paidbah bad kynthup ruh naduh ki Kali Ar shaka.
Na ka liang ka skulbah USTM ka la hap ban wan rah da ka kor puhshilum ban pynbha ia katei ka surok, kaba pyniasoh na sorokbah National Highway sha katei ka skulbah bad lyngba kane ka jingmaramot ia kane ka surok ka la kham pynsuk ia ki paidbah ba leit ba wan bad khamtam ki samla pule kiba pule ha katei ka skulbah USTM.
