Ka Jaintia Students Movement (JSM) bad ka Jaintia National Council (JNC) hynne ka sngi, kila dawa na u Symbud Myntri Rangbah ba khmih iaka tnat kam pohIing u Bah Prestone Tynsong ban pyntreikam da u Helpline Number ban ai jingtip, lada don ki nong Bangladesh kiba thmu kiew beain sha Meghalaya.
Ka JNC bad ka JSM kila dawa ruh naka Sorkar Jylla ban thaw bad pynkhlain iaki Police Camp haki shnong khappud bad ka Bangladesh.
Kila dawa naka Sorkar Jylla ban pynkhlain bad pynbud iaka jingdon Pulit ha kine ki Police Camp kiba marjan khappud bad ka Bangladesh.
“Ka Sorkar Jylla kadei ban bthah iaki bor District ban pynkhlain iaki bor pahara haki thain khappud ban pynthikna ba kan nym don ka jingwan kiew ki nong Bangladesh sha Meghalaya” ong ki nongialam ka seng.
Ka JNC bad ka JSM kila dawa naka Sorkar Jylla ba ka Meghalaya kam dei ban kylla jaka rieh tngen (Refugee Camp) kumba jia ha ka thma 1971.
